Pòvere calannarie, s’ha spugghiate,
a pil’a pile se n’ha sciute ô suenne!
quanne s’appresendó sceve perenne
appise a ‘nu parete ‘u ‘nnandenate.
‘A stessa sorte a jìdde l’ha ‘ccappate.
Delure e prjìsce n’ha vedute a sbuenne
e senza ‘ndruppecá, sembe fucenne,
a l’ùlteme gradone s’ha ‘ccustate.
Arraccumanne a fratte cu spalanghe
‘na strada nove, senza jìrte e vàsce,
da tjìmbe trebbulame ’mmjìnz’ô fanghe.
P’u pròsseme, pe’ nuie vogghie sultande…
c’am’a strazzare a jìdde, da cè nàsce,
le fuegghie a un’a une tutte quande.
Glossario
Spugghiate = spogliato; svestito; privo di fronde;
a pil’a pile = a poco a poco, lentamente;
scere = andare; sceve = andava;
perenne = perendo, languendo, morendo;
‘nnandenate = predecessore, antenato;
accappare = capitare, toccare;
prjìsce = gioia, compiacimento, letizia;
a sbuenne = in abbondanza, copiosamente, in quantità;
‘ndruppecare = incespicare, inciampare, trovare ostacoli;
fùcere = fuggire, correre, scappare; fucenne = gerundio;
accustare (rifl.) = avvicinarsi, appressarsi;
fratte = tuo fratello;
jìrte e vàsce = alti e bassi;
strazzare = strappare, lacerare;
fuegghie = fogli.