I’ t’arrecorde sus’a’ scope azzise,
c’u fazzelette ‘ngape, longhe ‘a veste.
Stanotte ‘ndurnisciave p’u paise
c’u sacche ‘nguedde pure cu’ ‘a tembeste.
A case de signure ‘u paradise,
cènere, ind’a le juse, o pane tueste
e i’ no’ nge nascive cu’ ‘a cammise:
hê state suragghione, ‘na rapeste!
‘Nu cavadduzze, ‘u stesse pe’ tand’anne,
passó, c’u tjìmbe, a quatte frate mie
e ‘n’ota vote m’annuciste ‘u scanne.
M’u carresciave, sembe, a truzzelune,
abbàsce, ind’ô varcone, addonga sie:
chist’e dó’ cose sacce e njìnde chiune!
Glossario
Azzise = seduta;
‘ngape = in capo, in testa;
‘ndurnisciare = andare in giro, girondolare;
‘nguedde = sulle spalle, addosso;
tueste = duro, raffermo, secco; ostinato, irremovibile;
suragghione = avara, avida, taccagna, sordida;
rapeste = disastro; rovina, danno;
cavadduzze = cavalluccio a dondolo;
annùcere = portare, recapitare; annuciste = passato remoto;
carresciare = portare appresso, trasportare; carresciave = imperfetto;
a truzzelune = di qua e di là;
abbàsce = giù, di sotto, in basso;
varcone = balcone;
addonga sie = dovunque sia, dappertutto, per ogni dove;
sapere = sapere, conoscere; sacce = presente.